西九龍近年有大量新樓盤落成，刺激區內樓價，而當中藍籌屋苑代表美孚新邨，雖然有返咁上下樓齡，但憑住交通及社區設施配套，成為大量家庭的頭號目標。
由新世界發展的美孚新邨由99座組成，合共有13000多個單位。
屋苑有大型商場，各式生活日用百貨同食肆齊全。
雖然有一定樓齡，不過美孚既規劃非常好，有唔少公共空間俾住戶使用，同時附近亦有大型公園同運動設施，一家大細做運動，人都健康啲。
由於屬於早期落成既私人樓宇，美孚新邨內隴間格四正，實用率高，無窗台，廳房都好使好用，呢個800幾呎既3房單位，望落真係用盡每一吋地方，攞大型傢俱無任何難度，齋望個廳，已經吸引唔少換樓客。
主人房放大衣櫃，仲可以放埋按摩椅，就算將床放正中間，三邊落床都無任何問題。另外兩間房都又大又實用，放到雙人床，三代同堂都好寬敞。仲有廚廁光猛，全部有窗通爽，唔怕廁所無陽光，同埋煮食大油煙，單位真係樣樣都無得彈。