80年代落成既美居中心，位處長沙灣，屋苑由7座物業組成，合共提供722個單位。單位開則以兩房為主，亦有部份係一房。呢類單位好在銀碼細、實用率高、上車易，吸引唔少新置業人士。同時位處黃金旺舖地段，生活選擇多，啱晒上班一族。
好多住開深水埗區唔捨得搬，最主要原因係人情味以及完善既生活配套，同時交通方便，生活每一日都可以有地道香港人選擇，過番正宗港式生活。
雖然無華麗會所同設施，但係美居中心既既親民消費選擇，係係屋苑吸引之處。樓下有唔少食肆同民生商舖，附近既元州街有大量地舖，而元州商場、天悅廣場，都係較親民的消費選擇。去到福華街一帶，特色美食多到無比，而鴨寮街係出名既旅遊民生特色街道，黃金同高登商場，係各位購買電子產品既好去處，無論係咩年紀，都總有你既落腳點。
美居中心既交通方便，肯定係最大賣點，行去長沙灣站幾分鐘就到，一落街要揀車搭，多到你唔信，絕對無交通問題。長沙灣道同荔枝角道搭巴士同小巴，總有一條線啱你，而且仲有通宵車，基本上任何時間，去全港九任何地方都𠣦難度。
美居中心屬於小學40校網，好似協和小學、荔枝角天主教小學，深水埗官立小學，都係家長心儀選擇。中學屬於深水埗區，好學校亦都唔少有德貞女子中學，歷史悠久既英華書院、聖馬加利男女英文中小學，同埋長沙灣天主教等等，都係熱門名校之選。