2005年落成既蔚南灣畔,同東港城、南豐廣場、新寶城係坑口既私樓生活圈。屋苑由6座物業組成,提供2130個單位,物業開積有兩房及三房,間格四正,見駛好用,實用率有7成半,並設有露台。
坑口站未通車前,已經係將軍澳既市中心,隨住唔同屋苑落成,港鐵通車以及基建相繼完成,組成超強既生活圈,位處港鐵上蓋既-蔚南灣畔,就係坑口站近年熱門之選。
蔚南灣畔基座商場可以滿足基本生活需要,毗鄰東港城大型商場,有各類型商舖、超市、日式百貨、食肆,假日喺商場經常有特別活動,人流旺。附近厚德邨、明德邨商場,林林總總既購物選擇都有,街市翻新之後,行得更加舒適。住戶搭小巴去西貢郊遊都係半小時左右,同時可以去附近既寶康公園、泳池做運動。如果想試下特色美食,坑口村一定唔會令你失望。
蔚南灣畔屬於95校網,有超過22間小學可供住戶子女入讀,當中部份深受區內家長歡迎,好似保良局陸慶濤小學、將軍澳天主教小學、宣基小學。中學亦都有唔少具備優良質素,好似迦密主恩中學、宣基中學同將軍澳官立中學,都係區內傳統名校。同時亦都有多間國際學校落成,好似香港思貝禮學校、法國國際學校,都係將軍澳區既國際學校,為住戶子女,提供更多唔同既教育選擇。
蔚南灣畔鄰近坑口站,去港九各地一鐵通行。坑口站有多條巴士線去港九新界,小巴線亦都唔少,同時坑口村有小巴直出彩虹站,同時將軍澳隧道一出就到,交通可達度絕對係吸引買家既原因。