小西灣雖然唔喺港鐵站上蓋,不過物業勝在有無極海景,加上附近設施齊備,環境優美,吸引唔少追求生活健康既中產一族進駐,其中藍灣半島更加係換樓客同用家首選私樓。
由信和集團發展既藍灣半島,可以話係小西灣既地標住宅項目,2001年入伙既藍灣半島,屋苑由8座樓高60層物業組成,提供3098個單位,唔同座數有唔同海景,包括維港、藍塘海峽、清水灣,有如置身海洋中心一樣。物業開則有一房到四房,有天台連特色戶,適合唔同用家,自住同收租投資同樣有客有市。
藍灣半島自設會所,有泳池、網球場、按摩池等設備。同時可以經海濱長廊,去小西灣球場跑步。藍灣半島自設商場,有唔少商舖,包括超市、特色食肆、銀行、快餐連鎖店。要有其他選灣,可以去本灣市場,有齊乾濕貨選擇,步行都係十分鐘。
藍灣半島雖然唔近港鐵站,但勝在有小巴駁一程車就到杏花邨站,而基座設有巴士總站,有唔少過海線同港島線路可供住戶選擇,港島各區同埋九龍唔同地區都有車到,仲有通宵小巴由旺角返黎,真係午夜都唔會變孤島。
藍灣半島屬於小學16校網,唔少出名小學可供家長選擇,包括筲箕灣官立小學、中華基督教會基灣小學。中學亦有唔少傳統名校,好似庇理羅士女子中學、港島民生書院、張祝珊英文中學等等。國際學校亦有日本人國際學校、漢基國際學校等等,學校選擇極多。