馬鞍山鐵路沿線有唔少選擇,不過講到環境以及觀景,烏溪沙站物業絕對係最佳選擇。近年入伙既迎海,分四期發展,係馬鞍山物業既新指標。
2014年落成既迎海,共分四期,第一期迎海由4幢物業組成,合共提供928伙單位,單位面積約600至4,100呎。開則由兩房至四房,其中兩房戶超過半數,約1,000至1,400呎的3及4房戶亦佔半數。單位面積最大達3,606方呎,更擁千呎連平台泳池。項目亦有64伙玻璃屋,特色為有開敞式玻璃牆設計,增加空氣流通。烏溪沙海景以及鄰近港鐵站,係最吸引換樓客。
講到配套,迎海最強當然係會所配套,提供50多項設施,包括多功能運動場、健身天地、宴會廳、保齡球場、水療中心、泳池、附設138吋弧形銀幕的戲迷3D影院等,一返屋企就有皇者級享受。附近有民生商舖,保証有飯到肚。如果要多啲選擇,步行7分鐘可以去到銀湖天峰,又或者搭馬鐵去新港城同馬鞍山中心有好多商舖以備選擇。
雖然迎海好多住戶都係有車階級,但交通絕對方便。行4分鐘就到烏溪沙馬鐵站,總站有位坐。同時附近有唔同既巴士線同小巴線去新界同九龍,唔揸車都無問題。
迎海屬於小學89校網,包括,保良局雨川小學,,馬鞍山循道衞理小學,聖公會主風小學等。中學屬於沙田區,一般以傳統名校較受歡迎,好似沙田官立中學、聖羅撒書院、沙田崇真中學等等,而馬鞍山區內既德信中學,都係英文中學,亦都受家長歡迎。