前身為天光道警察宿舍既半山壹號，係少數坐落市區，同時設有洋房既豪宅區。地點坐落天光道同靠背壟道交界，附近為學校、樂民新邨，環境清靜，可以話係土瓜灣區規劃最齊整既樓盤。
半山壹號分兩期發展，合共有35座物業，提供939個單位，其中26座係分層單位，9座為洋房。分層單位，主打三房以及四房。單位其中一個特點係樓底高，而部份更可以遠望維港海景。頂層特色戶就更見豪華氣派，有私家泳池。
半山壹號設施齊全，停車場、私人會所、室內外泳池、水療室、健身室同卡拉OK房等等，一應俱全。
屋苑同時設有商場，包括超級市場酒樓、連鎖快餐店、洗衣店等等，滿足住戶基本需要。
行出門口，靠背壟道同馬頭圍道食肆林立，當中部份係區內馳名老店，屹立超過50年，就算連區外食客，都會慕名而來，一嘗地道美食。
雖然暫時未有港鐵，不過屋苑既交通相當方便，多條專線同紅VAN去九龍同新界，同時有多條巴士線，無論過海同入新界都大把選擇。
而即將落成既沙中線馬頭圍站，毗鄰半山一號，通車後勢必帶動物業價值上昇。
半山壹號屬於34小學校網，函蓋何文田、九龍城同土瓜灣，可以俾家長好多選擇。中學屬於九龍城區，男拔萃、喇沙、培正中學同埋協恩中學，係所有家長心儀既名校。