鐵路上蓋物業向來係價值保証，加埋大型商場套，就好似揸「煙」啤頭一樣，絕對無得輸。坐落將軍澳站上蓋既君傲灣，同時有POPCON商場配套，令物業長期成為熱門之選。
2006年落成既君傲灣，屋苑由3座物業組成，樓高57層，提供1472伙單位。開則有兩房同3房，間格四正，同時設有會所，給予住戶舒適既休閒生活。由於物業地點方便，吸引唔少換樓客同上車客。
君傲灣位置將軍澳站上蓋，返工返學有晒時間預算。去港島東區同九龍都係10分鐘車程，有多條巴士同小巴線可以去港九新界各地，同時有巴士直達機場，唔搭港鐵都有把選擇。就算通宵亦都有車出港島，真係24小時都有車返屋企。
君傲灣既POP CON可以話係將軍澳最新既大型商場，生活選擇多，大型超市、潮流服飾、電子產品，應有盡有。附近POP WALK、都會駅、將軍澳中心同埋將軍澳廣場，林林總總既購物選擇都有。除左購物，住戶亦都可以選擇到區內既酒店，HIGH TEA享受生活。如果你喜歡運動，可以去調景嶺體育館、將軍澳單車館，又或者去將軍澳運動場跑步，亦可以選擇海濱長廊同公園休息。
君傲灣位處95校網，有超過22間小學可供住戶子女入讀，當中部份深受區內家長歡迎，好將軍澳天主教小學、宣基小學。中學亦都有唔少具備優良質素，好似迦密主恩中學、宣基中學同將軍澳官立中學，都係區內傳統名校。同時亦都有多間國際學校落成，好似香港思貝禮學校、法國國際學校，都係將軍澳區既國際學校，為住戶子女，提供更多唔同既教育選擇。