戰隊最勁梗係五星，九龍站上蓋最勁，梗係五星級物業，講緊既之唔係大家都好想擁有既幾個物業，今次同大家介紹既係天璽。發展商係新鴻基，由兩座物業組成，單位開則由800-2200呎提供825個單位，樓底特高，摩天大廈外型，可以話係劃時代既住宅建築。
好多人話，買樓既野我識條鐵咩，無錯，九龍站你真要識晒三條鐵，分別係港鐵、機鐵同埋高鐵。去機場夠快又唔塞車，北上大灣區生活圈都係一個鐘之內，咁簡單既數，唔係做生意都識計，搬入九龍站，時間方面真係無得輸。
除左住宅，週邊發展升值潛力，真係唔可以睇少。環球貿易廣場除左跑樓梯做善事出名之外，同時有唔少國際頂級公司租用，匯聚全球人才，帶動商住租務市場。高鐵既柯士甸道西商業地，可建樓面用地達316萬平方呎，市值保守估計過千億，令九龍站上蓋物業更保值。
講風水就要識五行金、木、水、火、土，喺九龍站生活，一樣要識五行，講到咁白，大家都知道係佔地過百萬呎，以金、木、水、火、土分區既圓方商場，高級品牌、食肆，各樣貨品應有盡有，而平台設有70萬呎的公園，帶埋仔仔女女玩成日都得。
有仔、有車、有樓，下一個目標係乜，當然係望子成龍，呢度有國際幼稚園，提供優質幼兒教育。至於區內屬31小學校網，拔萃女書院、嘉諾撒聖瑪利書院、真光女書院、九龍華仁書院同埋伊利沙白中學，都係區內既老牌名校，有啲甚至係百年老店，唔駛打印都有Q嘜認証，一睇就知好野。相信都唔駛我逐間介紹呀啦!