東九龍係商住混合區，有時要搵個方便就腳，但係環境清幽既放盤，並唔容易。不過只要唔執著港鐵上蓋，喺九龍灣到藍田一帶，都會有心水選擇，其中九龍灣既居屋盤樂雅苑就係熱門上車盤。
1984年落成既樂雅苑，由房委會興建，屋苑由6座物業組成，提供1331個單位，樓高27-29層，一梯八伙。開則以兩房為主，同時有三房單位。由於開則四正，加上價錢實惠，係好多人上車既選擇。
樂雅苑位於振華道，雖然唔係港鐵上蓋，但係振華道有多條小巴同巴士線，去港九各區都十分方便。同時小巴去港鐵站都係幾分鐘，返工返學有預算。
樂雅苑雖然無會所，但係生活配套非常方便。毗鄰樂華北邨，有食肆、街市、商場，生活需絕對唔駛擔心。要去大型商場SHOPPING、淘大、德福同埋MEGA BOX，都非常近，搭車一陣就到。又或者可以去埋觀塘既APM，潮流名店，特式食肆，日式超市，大把選擇。
另外，屋苑附近有佐敦谷泳池同遊樂場, 想一家大細做運動都無難度。
樂雅苑屬於小學48校網，唔少學校相當受家長歡迎，好似佐敦谷聖若瑟天主教小學、九龍灣聖若翰天主教小學，都係熱門之選。中學屬於觀塘區，藍田聖保祿中學、觀塘官立中學、聖傑靈女子中學、聖言中學，都係區內家長心儀既名校。