港島伸延線以及南港島線既落成，解決左港島西南區過去交通問題，令到唔少買家都可以放心喺呢區置業。傳統老牌豪宅碧瑤灣，毗鄰貝沙灣與數馬港，上碧瑤擁有真正既無敵海景。
1975年落成既碧瑤灣，經得起歲月洗禮，外貌仍然新淨。碧瑤灣以域多利道為分界，19至27座，通常叫上碧瑤。上碧瑤一梯4伙，面積由1020至1535平方呎，主要提供兩房及三房單位，中高層向南單位坐擁無敵海景。下碧瑤各座一梯兩至三伙，面積由1590至2687平方呎，提供三房及四房單位。碧瑤灣間格四正，實用率極高接近9成半，呎價最平大約15000蚊左右。
住得港島西南區，肯定係嚮往環境優美。不過自從起左數碼港之後，碧瑤灣居民只要行7-10分鐘就可以去到數碼港買野同飲食，而且仲有戲院，要睇戲唔駛去到山長水遠。如果想要搵地道風情，去香港仔就搵到，同朋友去食特色香港食物真係話都無咁易。
住碧瑤灣好多都係有車階級，不過起左港鐵之後，就方便好多。去香港大學站車程大約8分鐘，而去南區黃竹坑站亦都係8分鐘車程左右。碧瑤灣有巴士同小巴比住客選擇，住喺碧瑤灣既公共交通，真係今時唔同往日。
港島南區屬於小學校網18，其中有16間小學，11間係官小或者係資助，而私立同直資學校就有5間。中學有18間，直資有兩間，資助有13間另外3間私校。南區有四間BAND1學校，有兩間係直資，另外想搵國際學校，亦都大把選擇。