尖沙咀區係商住遊客區，要搵好景觀既物業絕對唔容易，如果有酒店式既住宅服務物業，可以睇到維港煙花，仲要喺港鐵站上蓋，相信個個都爭住買，而都會軒正正就有齊上述元素，大受歡迎。
都會軒位於紅磡都會道，屋苑由兩座物業組成，2002年入伙，屬於服務式住宅，提供662伙單位。開則由400幾到1000幾呎都有，高層向西南可以望埋維港景，睇煙花都唔駛同人迫。而毗鄰紅館，睇完演唱會行返屋企唔駛五分鐘。
都會軒樓下就係紅磡站，交通方便係最大賣點。東鐵線去新界方便準時，加上紅隧過海巴士任你點揀都得，樓下既巴士總站，亦都有唔同既線路，去區區都無難度。喺屋苑行落尖沙咀亦都好方便，都會軒既交通優勢真係無可比擬。
都會軒樓下已經係商場，有齊生活用品同食肆，行過少少去黃埔區，街市、日式百貨樣樣齊備。區內特色食肆有唔少食評推介。如果想SHOPPING 購物，尖沙咀近在咫尺，無論大型商場，名店，潮流服飾及地道小食都應有盡有。
都會軒校網屬於35小學校網，有唔少名牌學校，好似天神嘉諾撒、奉基小學以及馬頭通官立小學，都係家長心儀名校。而油尖旺區有大約20間中學，其中3間直資。例如拔萃女書院、九龍華仁書院、真光女書院，嘉諾撒聖馬利書院等，都係所有家長夢寐以求既中學。