將軍澳呢個發展成熟嘅社區,令唔少住戶嚮往。 我地一連幾集都聚焦將軍澳Lifestyle屋苑,今集就一齊分析下都會駅,蔚藍灣畔,東港城嘅特色之處啦!
行到調景嶺站,當然要介紹吓佢嘅上蓋屋苑-都會駅。 屋苑分兩期發展,供應近3800伙,係調景嶺最具規模嘅屋苑之一,連屋苑嘅樓層高度都冠絕同區,住得越高,景觀越靚 。都會駅最出色嘅地方,就係打三至四房嘅大型間隔!生活空間充足,生活質素就自然更高! 放工放假,自然想放鬆身心,屋苑大型嘅住客會所,有泳池、健身室、康體設施,一站式活動任你選擇!行出去旁邊仲有條無敵海景嘅海濱長廊俾你散步! 生活方面,屋苑樓下就有同名嘅大型商場,亦係調景嶺主要嘅消費地標之一,飲食娛樂唔駛擔心。 樓下調景嶺站係港九交匯點,出油尖旺或者去港島都係廿分鐘就到,夠晒方便。
跟住稍移玉步去到坑口站,參觀第二個上蓋屋苑:蔚藍灣畔。 蔚藍灣畔喺坑口區歷年人氣高企,全因六個字︰方便!性價比高 屋苑有六座物業,超過2100個單位,提供兩至三房戶,當中以兩房單位較多。 屋苑樓層高,高層單位已經係坑口嘅制高點,居高臨下,可以飽覽整個坑口嘅城市美景。 加上屋苑會所設計富麗堂皇,設施時尚齊備,令你無論居住定係享受,都可以擁有區內最優質嘅體驗。坑口站附近幾個商場由天橋接駁連成一線,東港城、TKO Gateway、南豐廣場等等任你行! 除咗樓下個坑口站之外,附近交通線路亦都相當豐富,而且仲有特別嘅科大專線小巴,方便大學讀書返工嘅人士。
不過我哋都要留意,坑口站旁邊嘅東港城,亦係區內一個搶手熱盤! 屋苑有7座物業, 2184個單位,兩房單位供應較多,超過六成,目標以家庭客為主 東港城單位空間感大,內籠寬敞,大廳大房格局,實用率超過八成,可以話係同區罕見。 由於東北同東南方嘅單位較少遮擋,所以中高層嘅住戶,仲可以望到大片嘅遠海景, 以及開揚翠綠嘅山景 屋苑基座就係著名嘅潮流集中地,東港城,生活用品,娛樂百貨通通齊備! 商場有天橋接駁港鐵站,行5分鐘就到!地鐵站旁邊仲有巴士同小巴總站,令你出門有更多選擇。