荔枝角四小龍係好多人既心頭好,交通網完善、屋苑配套設備多,生活圈選擇多,不過講到3房單位供應俾換樓客,首推泓景臺。
2003年入伙既泓景臺,發展商係長江實業,由七座物業組成屋苑,提供2528伙單位。物業呈U型,兩房位7成,其餘單位係三房連套房,係四小龍之中,提供最多大碼單位既屋苑
由屋苑行落港鐵荔枝角站全程有上蓋遮頭。由屋企行到港鐵站只係約10分鐘,唔想搭港鐵,可以去返長沙灣道同荔枝角道, 有大量巴士同小巴 選,總有一條線啱你
泓景臺連接星悅居、宇晴軒商場,自成一角獨立生活圈,為四小龍住戶提供唔同服務,有大型超市、連鎖快餐店,行過兩步亦都有日式百貨,基本上生活可以不假外求,滿足基本需要。行天橋過海麗村,亦有唔少民生商店,又或者可以去附劌以創意文化產業為主題的D2 PLACE,亦有更多選擇。
想做運動或者同小朋友去公園玩,美孚新邨既荔枝角公園,有齊全既設施,另外附近亦有泳池同室內運動場,適合一家大細同鍾意跑步人士使用。
泓景臺屬於小學40校網, 有唔少學校選擇,好似中華基督教會協和小學、荔枝角天主教小學同深水埗官立小學。中學屬於深水埗區,有德貞女子中學,歷史悠久既英華書院、聖馬加利男女英文中小學等等,都係區內熱門名校之選。